తెలియని తలపు

నీకు తెలిసిందా!
నాకు తెలిసింది. నాకు తెలియకుండా నీకు తెలిసింది యేమిటానుకుంటున్నావా?
లేక నాకు తెలియకుండా నీకేలా తెలిసిందా అని ఆశ్చర్య పడుతున్నావా?
నాకు తెలిసున్న ప్రతిదీ నీకు తెలుసని , నీకు తెలిసున్న ప్రతిదీ నాకు తెలుసనుకుంట్టున్నావా?
అది నిజమే!
ఆయినా తెలియంది తెలుసుకోవడంలో తప్పు లేదుకదా!
తెలుసా తెలుసా? అని అడిగితే , ముమ్మాటికీ తెలుసనే చెబుతావు.
తెలిసిందే తెలుసుకోవడానికి ఇన్నాళ్ళు పడితే, తెలియంది తెలుసుకోవడానికి ఇంకెన్నాళ్ళు పడుతుందో!
ఇన్నాళ్లూ నాకు తెలిసిందో లేదో తెలియదుకాని నీకు మాత్రం తెలుసనుకున్నాను!
తెలియంది తెలుసుకోవడం ఎంత తెలియనితనమని అనుకుంటున్నావా?
ఐతే ఇప్పటికైనా తెలుసుకో ,నాకు తెలిసున్న , నీకు తెలుసనుకుంటున్న , తెలియని తలపుని.

మరి...
నా తలపులో , వలపులో
నా ఊహలలో , ఊసులో
నా తపనలో , తీరికలో
నా శ్వాసలో , స్పర్శలో
నా ఆశలో , ఆర్తిలో
నా కలలలో , కలతలో
నా ఆరాటంలో , మొమాటంలో
నా దరహాసంలో , చిరుహాసంలో
నా నూపురిలొ , నా ఊపిరిలో........
నువ్వు వున్నావని నీకు ఇప్పటికైనా తెలిసిందా?

క్షరం కాని అక్షరం ఎంత గమ్మత్తైనదో కదా!
అందుకే ఒకే ఒక అక్షరాన్ని మార్చాను. నా ఈ ఆనందానుభూతి రెండో వైపు కూడా నీకు తెలియాలని.

మరి...
నా తలపులో , వలపులా
నా ఊహలలో , ఊసులలా
నా తపనలో , తీరికలా
నా శ్వాసలో , స్పర్సలా
నా ఆశలో , ఆర్తిలా
నా కలలలో , కలతలా
నా ఆరాటంలో , మొమాటంలా
నా దరహాసంలో , చిరుహాసంలా
నా నూపురిలొ , నా ఊపిరిలా.......
నువ్వు మారవని ఇప్పటికైనా తెలుసుకో.